好多朋友,舊同學,舊同事都估唔到我做左一位老師~~
其實我都估唔到...
好多中學既同學都知我以前上堂好鬼嘈,
特別上小波子堂,成日都串佢...
唔串佢一日都唔安樂個隻...佢一計錯數又比我串...
又成日上堂發夢,食野,轉紙仔,不停講野,哈哈~~
而家做左老師之後又要學生留心上堂...
唔準傾計, 有口話人冇口話自己...諗返起都好好笑~~
話咁快就year 4了,終於實習了,要做老師了~~
學生都算做易教架啦, p.2既學生聽得明普通既classroom lauguage~~
都算有d安慰ga la, 當然有d學生上堂都仲係發夢...
d功課做錯哂,改左我一個朝早...激死~~
可能我個樣太仁慈la
...班妹妹仔唔驚~~
睇黎我要惡d先得~~
同埋唔知佢地上我堂會唔會覺得好悶呢??
唔知佢地明唔明...ai...好擔心視導,唔知會點~~
上小一音樂仲衰...班化骨龍仲唔識得控制自己
仲有要唱聖詩...有中有英...小一唱聖詩太難...
佢地又唔識得咁多字,仲要英文...唔知點教~~
本音樂書都好d,兒歌...我諗對佢地黎講都會易d既~~
邊個話我實習間學校既學生好乖....其實都唔係好乖
都幾嘈下,不過我都有方法控制佢地~~
上p.2既英文堂如果我個節課寫3次be quiet係個blackboard度
佢地當天既功課就要double~~
佢地開頭都唔理我,有一堂我差d寫左3次,
佢地開始醒左,我一寫個"BE"字就靜哂,,,haha~~
上music堂,個d P.1都好嘈...有一日上堂我同佢地講,
如果我一彈drmfs就要靜哂,坐好,,,
唔係下一次上音樂堂就冇得去音樂室上,
留返係課堂到,佢地又立即好乖...
睇黎我要恐嚇佢地...唔係唔識專心上課~~
time control都唔係控制得好好, 成日都拖左少少時間~~
上eng就慢慢開始講多左d英文....
因為我驚我全堂講哂,佢地太細個聽唔明,
到左視導個日要講哂英文都唔知班妹妹仔聽唔聽得明tim
睇黎下星期要講多d啦...
音樂堂都係一樣...睇黎我要練多d琴
唔係視導音樂就死得...教音樂書我都唔係咁驚
教唱聖詩真係...對我黎講都好難...
對佢地黎講更加難~~
唯有如果視導音樂個日就死都唔教班p.1唱聖詩~~
total黎講上左一個星期堂都叫做ok~~
唔怕講到語無論次, 都算順利~~
不過每一班都好多人,唔係好認得邊個係邊個~~
邊d係P.2我教英文,邊d係P.1我教音樂既,我都分唔清~~
當佢地叫我個時先知佢係p.1定p.2~~
p.2學生會叫我做miss hon~~
p.1學生會叫我做韓先生/韓老師~~
anyway,間學校d學生都算乖,都算好好教,同埋好有禮貌~~
都算有一個好既開始,希望樣樣都順順利利~~
個個同學仔都話我實習人工高(可能你地仲高!!!)...但係我好多野做le
又要帶隊,又要教課外活動,又要幫手攪活動
又要教師培訓,又要做壁報,又要開會(平均兩星期一次分科會議),
增值course又有等等....得閒死唔得閒病個隻...
另外,我星期6都要返去上堂...唔係個d課外活動
係上堂....ai...而家都6:45都自然醒lor...
連今日sunday都係7:00自然醒左.....
想訓又訓唔返...poor~~
anyway,一年好快過...辛苦呢一年, 將來既路會好好行!!!
p.s:我想買mic,上堂用的~~搵日得閒去睇下先~~
